Gaur Matian izan gara eta bertan Josune, Joan, Maria eta MªAngelesekin aritu gara hizketan. Denek 80 urtetik gora dituzte, baina sasoiko ikusten dira. Gauza asko kontatu dikigute. Jakin dugu batzuk eguna bertan pasa eta etxera joaten direla eta beste batzuk, aldiz, Rezolan bizi direla. Etxetik datozenak autobusean, anbulantzian edo kotxean etortzen dira.
Egunean zehar ekintza desberdin asko egiten dituzte memoria eta alderdi fisikoa lantzeko. Bingoan, kartetan eta betaurreko birtualekin ere aritzen dira. Oso gustura daude bertan. Batzuk dantzan ere aritzen dira balsaren edo pasodoblearen erritmora. Asteazkenetan pintxo potea izaten dute eta ez du inork kale egiten.
MªAngelesek esan digu 13 urterekin hasi eta 60 urte arte lantegi batean aritu zela lanean. Joan hegazkinetako pilotua eta mekanikoa izan zen. Istripu baten ondorioz, ikusmena urrituta dauka. Bere bizitzako hainbat pasarte kontatu dizkigu. Zenbait momentutan hunkitu egin da eta gu ere hunkitu gaitu. Mariak, berriz, bere sei seme-alabak aurrera ateratzeko han eta hemen lan asko egin behar izan duela, azaldu digu. Eta azkenik, Josunek etxeko lanetan aritu izan dela, aitortu digu.
Txikitan kalean jolasean aritzea gustatzen zitzaien eta txingora, kromoetara, kaniketara, soka saltoan... aritzen zirela, kontatu digute.
Konturatzerako denbora pasa zaigu eta jakinmina asetu gabe agurtu behar izan ditugu. Hala ere, berriz ere laster elkar ikustekotan gelditu gara.
iruzkinik ez:
Argitaratu iruzkina